అల్లు అర్జున్ స్టార్టం పెంచిన పుష్ప చిత్రంలో “ఊ అంటావా మావా ఊఊ అంటావా మావా” పాట ఎటువంటి దుమారం సృష్టించిందో అందరికీ తెలుసు. ఇక ఈ సాంగ్లో సమంత తనలోని డాన్సర్ ను ప్రపంచానికి పరిచయం చేసింది. సాంగ్ కి తగ్గ ఎక్స్ప్రెషన్స్.. బీట్ కు తగ స్టెప్స్ తో కుర్ర కారును ఉర్రూతలూగించింది. ఇక ఈ స్పెషల్ సాంగ్ మూవీ కి హైలైట్ గా నిలిచింది అనడంలో ఎటువంటి డౌట్ లేదు. ఈ సాంగ్ కారణంగానే మూవీకి సీక్వల్ గా వస్తున్న పుష్ప 2 స్పెషల్ సాంగ్ పై కూడా అంచనాలు భారీగా పెరిగాయి.
తాజాగా ఏ మూవీ నుంచి స్పెషల్ సాంగ్ రానే వచ్చింది. ఇక ఇందులో శ్రీ లీల తన బ్యూటీతో ప్రేక్షకులను మెస్మరైజ్ చేసింది. మ్యూజిక్ డైరెక్టర్ దేవిశ్రీప్రసాద్ దగ్గర నుంచి డైరెక్టర్ సుకుమార్ వరకు ఈ సాంగ్ పై తమ ఫుల్ ఫోకస్ ఇటు కొరియోగ్రాఫర్ గణేష్ ఆచార్య కూడా సాంగ్ ని ఎంతో శ్రద్ధగా డిజైన్ చేశారు. సోషల్ మీడియాలో వైరల్ అవుతున్న కిస్సిక్ పాటపై తాజాగా సమంత రియాక్ట్ అయింది.
సినీ ఇండస్ట్రీలో హీరోయిన్లకు ఎంత పెద్ద మనసు ఉన్న పక్కన వారిని ఎక్కువ పొగడడానికి ఇష్టపడరు. మరీ ముఖ్యంగా ఇద్దరూ ఒకే విధమైన పాటలు చేసినప్పుడు పొగడమంటే కష్టమే. అయితే సమంత మాత్రం దీనికి భిన్నంగా చంపేశావ్ శ్రీలీల అంటూ తెగ పొగిడేసింది. ఇక ఈ ఇంస్టాగ్రామ్ స్టోరీకి శ్రీలీల కూడా ట్యాగ్ చేసి మూడు ఫైర్ ఎమోజీలను పెట్టింది. అలాగే అభిమానులను ఉద్దేశించి..”ప్రశాంతంగా ఉండండి..పుష్ప 2 కోసం వెయిట్ చేయండి” అంది సామ్.
నిజానికి పుష్ప 2 నుంచి రిలీజ్ అయిన స్పెషల్ సాంగ్ కిస్సిక్ మొదట్లో తీవ్రమైన నెగిటివిటీని ఎదుర్కొంది. సమంత చేసిన ఆ సాంగ్ తో ఈ పాటను కంపేర్ చేసి నెటిజన్స్ ఏమాత్రం మ్యాచ్ కాలేదు అని అసహనం వ్యక్తం చేశారు. అయితే తినగా తినగా వేము తీయగా ఉంటుంది అన్నట్లుగా చూడగా చూడగా.. వినగా వినగా. ఫైనల్ గా ఈ పాటకి కూడా అందరూ కనెక్ట్ అయిపోయారు.
దీంతో ప్రస్తుతం సోషల్ మీడియాలో ఈ పాట ట్రెండింగ్ అవుతూ దుమ్ము రేపుతోంది.. కేవలం విడుదలైన 24 గంటల్లో అత్యధిక వ్యూస్ పొందిన సౌత్ ఇండియా లిరికల్ సాంగ్ గా రికార్డు సృష్టించింది. డిసెంబర్ 5న విడుదల కాబోతున్న పుష్ప 2 చిత్రంపై ఈ పాట అంచనాలను మరింత పెంచింది.
