నందమూరి అందగాడు బాలకృష్ణ.. ఆరుపదుల వయసులో వరుస సినిమాలతో కుర్ర హీరోలకు ధీటుగా దూసుకుపోతున్నాడు. వచ్చే సంక్రాంతికి సరికొత్త సినిమాతో బాక్స్ ఆఫీస్ రికార్డులు బద్దలు కొట్టడానికి సిద్ధమవుతున్నాడు బాలయ్య. అయితే సంక్రాంతికి బాలయ్యకి విడదీయలేని అవినాభావ సంబంధం ఉంది అన్న విషయం చాలామందికి తెలియదు. చాలా వరకు బాలయ్య సినిమాలు సంక్రాంతి సంబరాలకి ప్రేక్షకులను ఎంటర్టైన్ చేయడానికి వస్తుంటాయి.
ఈ ఏడాది డాకు మహారాజ్ తో సిద్ధమవుతున్న బాలయ్య గత ఎడాది వీర సింహ రెడ్డి,భగవంత్ కేసరి తో రికార్డు స్థాయి వసూలు సొంతం చేసుకున్నాడు. 2023 సంక్రాంతికి ‘వీర సింహా రెడ్డి’ సినిమాతో బ్లాక్ బస్టర్ హిట్టు కొట్టిన బాల కృష్ణ ఈ సారి డాకు మహారాజ్ తో అంతకంటే సక్సెస్ సాధిస్తాడు అని భావిస్తున్నారు. ఇప్పటివరకు బాలయ్య 108 సినిమాలలో నటిస్తే వాటిలో సుమారు 22 చిత్రాల వరకు సంక్రాంతికి సందడి చేసినవే. ఇలా సంక్రాంతికి విడుదలైన చిత్రాలలో చాలా వరకు బ్లాక్ బస్టర్ హిట్ సాధించాయి.
ఇప్పుడు ఆయన నటిస్తున్న డాకో మహారాజ్ 109వ చిత్రం కావడంతో దీనిపై అంచనాలు ఓ రేంజ్ లో ఉన్నాయి.ఈ నేపథ్యంలో బాలయ్య ఇప్పటివరకు చేసిన సంక్రాంతి సినిమాలు.. వాటి సక్సెస్ పై ఓ లుక్ వేద్దాం పదండి. బాలయ్య కెరీర్ ప్రారంభ దశలో వేములవాడ భీమకవి అనే చిత్రం సంక్రాంతికి విడుదల అయింది. ఆ తర్వాత దానవీరశూరకర్ణ, అనురాగ దేవత వంటి సినిమాలు కూడా సంక్రాంతికి వచ్చాయి. అయితే వీటిలో బాలయ్య మెయిన్ హీరో కాదు.
అతను సోలో హీరోగా నటించిన డిస్కో కింగ్ చిత్రంతో తొలిసారి సంక్రాంతికి బరిలోకి దిగాడు బాలయ్య. ఆ తర్వాత ఆత్మబలం, భార్గవ రాముడు, ఇన్స్పెక్టర్ ప్రతాప్, ప్రాణానికి ప్రాణం వంటి సినిమాలతో ప్రేక్షకులను అలరించాడు. బాలకృష్ణ నటించిన వంశానికొక్కడు, పెద్దన్నలాంటి సినిమాలు సంక్రాంతి హిట్స్ గా నిలిచాయి. అయితే ఆ తర్వాత వచ్చిన సమరసింహారెడ్డి చిత్రం బాలయ్య కెరీర్ ని ఓ మలుపు తెప్పింది.
ఫ్యాక్షన్ కథలకు నాంది పలికిన బాలయ్య ఆ తర్వాత నరసింహనాయుడు తో సంక్రాంతికి సూపర్ డూపర్ సక్సెస్ సాధించాడు. అయితే బాలయ్య నటించిన సీమ సింహం, వంశోద్ధారకుడు లాంటి సినిమాలు ఫ్లాప్ కాగా ఒక్క మగాడు, పరమవీర చక్ర వంటి చిత్రాలు డిజాస్టర్స్ గా మిగిలాయి. ఆ తర్వాత గౌతమీపుత్ర శాతకర్ణి సంక్రాంతికి పర్వాలేదు అనిపించుకుంది.
జై సింహా, ఎన్టీఆర్ కథానాయకుడు అల్ట్రా డిజాస్టర్ గా మిగిలాయి. అయితే గత సంవత్సరం వచ్చిన వీరసింహారెడ్డి బాలయ్య సెకండ్ ఇన్నింగ్స్ ను సూపర్ స్పీడ్ లో ముందుకు తీసుకువెళ్తోంది. మరి ఈ సంక్రాంతికి బాలయ్య ఎటువంటి ట్రెండ్ సెట్ చేస్తాడో.. ఎన్ని రికార్డులు బద్దలు కొడతాడో చూడాలి.
