టాలీవుడ్ సినీ ఇండస్ట్రీలో అక్కినేని కుటుంబానికి ఎటువంటి బ్రాండ్ వాల్యూ ఉందో అందరికీ తెలుసు. ఆరు పదిల వయసులో కూడా కుర్ర హీరోలకు దీటుగా అటు సినిమాలు, ఇటు బిగ్ బాస్ లాంటి రియాలిటీ షోస్ లో రెచ్చిపోతుంటాడు నాగార్జున. అయితే తండ్రికున్న సక్సెస్ఫుల్ కెరీర్ అతని ఇద్దరి కొడుకులకు రాలేదు అనేది అక్కినేని అభిమానులను ఇబ్బంది పెడుతున్న విషయం. దీనికి తోడు నాగచైతన్య డైవోర్స్, అఖిల్ ఎంగేజ్మెంట్ బ్రేకప్ వీరిని తీవ్రంగా నిరాశపరిచాయి.
అయితే వరుసగా నాగచైతన్య పెళ్లి, అఖిల్ అక్కినేని ఎంగేజ్మెంట్ న్యూస్ లు బయటికి రావడంతో అభిమానులు ఫుల్ హ్యాపీ గా ఉన్నారు. డిసెంబర్ 4న నాగచైతన్య, శోభిత ధూళిపాల పెళ్లి జరగబోతోంది అన్న విషయం అందరికీ తెలిసిందే. ఈ నేపథ్యంలో తాజాగా అక్కినేని ఇంట పెళ్లి సంబరాలు షురూ అయ్యాయి. గత రెండు సంవత్సరాలుగా డేటింగ్ చేస్తున్న ఈ ఇద్దరు ఎట్టకేలకు పెద్దల అంగీకారంతో వివాహ బంధంలోకి అడుగుపెట్టబోతున్నారు.
ఈ ఇద్దరి పెళ్లికి హైదరాబాదులోని అన్నపూర్ణ స్టూడియోస్ వేదిక కాబోతోంది. ఇక తాజాగా వీరి పెళ్లి పనుల్లో భాగంగా హల్దీ ఫంక్షన్ ప్రారంభమైంది. ఇప్పుడు దీనికి సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. ఇద్దరి పెళ్లికి ఇంకా ఐదు రోజులు సమయం మాత్రమే ఉండడం తో ఇక వరసగా ఏదో ఒక పెళ్లి ఫంక్షన్ జరుగుతూనే ఉంటుంది. కుటుంబ సభ్యుల మధ్యలో స్టార్ట్ అయిన విలహల్ది ఫంక్షన్ లో నాగచైతన్య, శోభిత ఇద్దరికీ మంగళ స్నానాలు చేయించారు.
వైట్ కుర్తాలో నాగచైతన్య, రెడ్ లెహంగాలో శోభిత చూడముచ్చటగా ఉన్నారు. ఎంత సరదాగా సాగిన ఈ ఈవెంట్ కు సంబంధించిన ఫోటోలు ,వీడియోలు సోషల్ మీడియాలో పోస్ట్ చేయడంతో అభిమానులు వీటిపై స్పందిస్తున్నారు. జంట ఎంతో చూడముచ్చటగా ఉంది అని మెచ్చుకోవడంతోపాటు త్వరలో జరగబోయే వారి పెళ్లికి అభినందనలు కూడా తెలియజేస్తున్నారు.
