సాయి పల్లవి ఎంత గొప్ప నటి అనే విషయం ప్రత్యేకంగా చెప్పనవసరం లేదు. ఆమె తన సహజమైన నటనతో, పాత్రలలో జీవిస్తూ ప్రేక్షకులను మంత్రముగ్ధులను చేస్తుంటారు. ఎన్నో సందర్భాల్లో సినీ ప్రముఖులు ఆమె నటనను గొప్పగా ప్రశంసించారు. తాజాగా సంగీత దర్శకుడు దేవీ శ్రీ ప్రసాద్ ‘తండేల్’ ప్రీ-రిలీజ్ ఈవెంట్‌లో సాయి పల్లవిపై ప్రశంసల జల్లు కురిపించాడు.
డీఎస్పీ మాట్లాడుతూ, “సాయి పల్లవి గురించి ఏం చెప్పాలి?” అంటూ తన అభిప్రాయాన్ని వ్యక్తం చేశాడు. కెరీర్ ప్రారంభం నుంచే ఆమెను గమనిస్తున్నానని, ఏ సినిమా చేసినా పూర్తిగా తాను ఒదిగిపోయి న్యాయం చేస్తుందని చెప్పాడు. పాత్ర ఏదైనా, సాయి పల్లవి తన 100% కృషిని అందిస్తుందని, ఆమె నటనలో సహజత్వం ఉంటుందని, ప్రేక్షకులను ఆమె తడిబడిపించే విధంగా నటిస్తుందని చెప్పాడు. నటీనటులెవరైనా డైలాగ్ చెప్పేటప్పుడు వారి నటనలోని లోతులను బయటకు తెచ్చేందుకు ప్రయత్నిస్తారు. కానీ సాయి పల్లవి మాత్రం కొన్ని సందర్భాల్లో ఏ డైలాగ్ లేకపోయినా, ఒక సహజమైన ఎక్స్‌ప్రెషన్ ద్వారా పాత్రను పండించగలుగుతుందని ఆయన ప్రశంసించాడు.
డీఎస్పీ ఇంకా చెప్పిన విషయమేమిటంటే, కొన్ని సందర్భాల్లో కేవలం హీరో కళ్లల్లోకి చూస్తేనే ఆమె నటన అద్భుతంగా కనిపిస్తుందని, ఆ ఒక్క లుక్‌తోనే పాత్రను జీవంతం చేసేస్తుందని అన్నారు. ఆమె కళ్లల్లో ఒక ప్రత్యేకమైన మంత్రము ఉందని, అలాంటి నటన చూస్తే ఎవరైనా అద్భుతమైన సంగీతాన్ని ఇవ్వాలని అనిపిస్తుందని అన్నారు. సాయి పల్లవి ప్రతి సినిమాలో తనదైన ముద్ర వేసుకుంటుందన్న విషయం ఆయన మాటల్లో స్పష్టంగా అర్థమైంది.
ఇక ‘తండేల్’ సినిమాపై కూడా డీఎస్పీ తన అభిప్రాయాన్ని పంచుకున్నాడు. ఈ సినిమా కోసం నాగ చైతన్య ఎంతో కష్టపడ్డాడని, కథ చాలా బాగా వచ్చిందని, అందరూ తమవంతు శ్రమించి సినిమాను గొప్పగా తీర్చిదిద్దారని వెల్లడించాడు. అందుకే తాను బ్యాక్‌గ్రౌండ్ స్కోర్ కూడా అద్భుతంగా ఇచ్చినట్లు తెలిపారు. సినిమా గొప్ప కథతో రూపొందిందని, ప్రేక్షకులకు తప్పకుండా కొత్త అనుభూతిని కలిగిస్తుందని విశ్వాసం వ్యక్తం చేశాడు.
‘తండేల్’ చిత్రం ఫిబ్రవరి 7న పాన్ ఇండియా స్థాయిలో ప్రేక్షకుల ముందుకు రానుంది. ఈ సినిమా మీద ఇప్పటికే భారీ అంచనాలు నెలకొన్నాయి. నాగ చైతన్య, సాయి పల్లవి కాంబినేషన్‌పై అభిమానుల్లో మంచి ఆసక్తి ఉంది. దేవీ శ్రీ ప్రసాద్ అందించిన సంగీతం, బ్యాక్‌గ్రౌండ్ స్కోర్ సినిమాకు మరో ఆకర్షణగా నిలవనుంది. ప్రేక్షకులు ఎంతో ఆసక్తిగా ఎదురు చూస్తున్న ఈ సినిమా బాక్సాఫీస్‌ వద్ద ఎలాంటి రికార్డులు సృష్టిస్తుందో చూడాలి.
