విక్టరీ వెంకటేష్ కెరీర్లో వందకోట్ల వసూళ్లు సాధించిన సినిమా తక్కువ. అయితే అనిల్ రావిపూడి దర్శకత్వంలో వచ్చిన “సంక్రాంతికి వస్తున్నాం” సినిమా మాత్రం ఏకంగా 300 కోట్ల క్లబ్లోకి చేరిపోయింది. ఇది వెంకటేష్ కెరీర్లోనే అత్యంత పెద్ద హిట్గా నిలిచింది. రీజనల్ మార్కెట్లో మాత్రమే విడుదలై, పాన్ ఇండియా రేంజ్లో లేకున్నా, ఈ రేంజ్ వసూళ్లు సాధించిందంటే సినిమా ఎంతటి సక్సెస్ సాధించిందో అర్థం చేసుకోవచ్చు. తెలుగు మార్కెట్కు మాత్రమే పరిమితం అయినా ఈ చిత్రం 300 కోట్ల కలెక్షన్స్ కొల్లగొట్టడం నిజంగా ఆశ్చర్యకరమైన విషయం.
ఈ సినిమా అమెరికా సహా కొన్ని రాష్ట్రాల్లో మాత్రమే పరిమితంగా రిలీజ్ అయ్యింది. తెలుగు రాష్ట్రాల్లో భారీ స్థాయిలో విడుదలై, అక్కడి ఆడియెన్స్ను విశేషంగా ఆకర్షించింది. తెలుగు హీరోల్లో ఇలాంటి ఘనత సాధించిన చిత్రాల సంఖ్య చాలా తక్కువ. ఇక ఇదే విజయాన్ని తన తదుపరి చిత్రంతో కూడా కొనసాగించాలనే కసితో ఉన్నాడు అనిల్ రావిపూడి. ఇప్పుడాయన మెగాస్టార్ చిరంజీవితో ఓ సినిమా చేయడానికి సిద్ధమవుతున్నారు. ఈ ప్రాజెక్ట్ వేసవిలో ప్రారంభం కానుంది.
మెగాస్టార్ చిరంజీవి తెలుగు రాష్ట్రాల్లోనే కాకుండా దేశవ్యాప్తంగా కూడా మంచి క్రేజ్ ఉన్న నటుడు. ఆయన సినిమాలకు భారీ స్థాయిలో ఓపెనింగ్స్ వస్తాయి. గతంలోనూ ఆయన చిత్రాలు భారీ వసూళ్లు సాధించాయి. ప్లాప్ టాక్ వచ్చినా కూడా పెట్టిన బడ్జెట్లో సగానికి పైగా సులభంగా రాబట్టగలిగిన స్థాయిలో చిరంజీవి మార్కెట్ ఉంది. ఇప్పుడు అనిల్ రావిపూడి దర్శకత్వంలో ఆయన సినిమా అంటే, బాక్సాఫీస్ వద్ద 500 కోట్లకు పైగా వసూళ్లు సాధించాల్సిందే.
మెగాస్టార్ సినిమా కాబట్టి ప్రీ-రిలీజ్ బిజినెస్ భారీగా జరుగుతుందనేది అందరికీ తెలుసు. కానీ అసలు పోరు థియేటర్లలోనే జరుగుతుంది. చిరంజీవి సినిమా అంటే ప్రేక్షకుల అంచనాలు చాలా ఎక్కువగా ఉంటాయి. ఈ సినిమాతో చిరు నిజమైన మెగా పవర్ను చూపించాల్సిన అవసరం ఉంది. ఇది పూర్తిగా అనిల్ రావిపూడి మార్క్ కామెడీ ఎంటర్టైనర్ అనే విషయం ఇప్పటికే స్పష్టమైంది. చిరంజీవి కూడా ఎంతో ఇష్టపడి చేస్తున్న సినిమా ఇది. కాబట్టి ఇందులో కొత్తదనం కోసం కాకుండా, పూర్తిగా ఎంటర్టైన్మెంట్ కోసమే ప్రేక్షకులు వెళ్ళాలి.
ఈ సినిమా విజయం పూర్తిగా అనిల్ రావిపూడి తెరకెక్కించే విధానం, చిరంజీవి క్యారెక్టర్ను ప్రేక్షకులు ఎలా కనెక్ట్ అవుతారనేదానిపై ఆధారపడి ఉంటుంది. “సంక్రాంతికి వస్తున్నాం” లాంటి హిట్ తర్వాత అనిల్ మరోసారి అలాంటి బ్లాక్బస్టర్ ఇచ్చేనా? చిరంజీవి మార్కెట్కు తగిన రేంజ్లో సినిమా హిట్ అవుతుందా? అనేది ఆసక్తికరమైన విషయం. బాక్సాఫీస్ లెక్కలు ఖచ్చితంగా ఈ సినిమాపై ఆధారపడి ఉంటాయి.