ఒకప్పుడు శివ, సత్య వంటి ట్రెండ్ సెట్టింగ్ సినిమాలతో ఇండస్ట్రీలో ప్రత్యేక గుర్తింపు తెచ్చుకున్న దర్శకుడు రామ్ గోపాల్ వర్మ (ఆర్జీవి) ఇప్పుడు తన క్రేజ్‌ను తిరిగి తెచ్చుకునే ప్రయత్నంలో ఉన్నాడు. గత కొన్నేళ్లుగా తన డైరెక్ట్ చేసిన సినిమాల కంటే ఎక్కువగా పబ్లిసిటీ స్టంట్స్, వివాదాలతో వార్తల్లో నిలుస్తున్న ఆర్జీవి, తాజాగా మరో కొత్త సినిమా ప్రకటించాడు. ఎప్పుడూ వైవిధ్యమైన కథలు చెప్పడంలో ముందుంటాడనే పేరున్న ఆర్జీవి, ఈసారి “సిండికేట్” అనే టైటిల్‌తో సినిమా చేయబోతున్నాడు.
సిండికేట్ కాన్సెప్ట్ గురించి తన ఎక్స్ ఖాతాలో కొన్ని వివరాలను పంచుకున్న ఆర్జీవి, ఈ ప్రాజెక్ట్‌పై కాస్త అంచనాలు పెంచాడు. బాలీవుడ్ స్టార్, టాలీవుడ్ స్టార్ ఇద్దరితో కలిసి మల్టీస్టారర్ సినిమాను తెరకెక్కించనున్నట్లు వార్తలు రావడం అభిమానులను మరింత ఉత్సాహపరచింది. ఆర్జీవి నుంచి ఇలాంటి అప్డేట్ రావడం చాలా కాలం తర్వాత ఇదే మొదటిసారి అనడంలో ఎటువంటి డౌట్ లేదు . గతంలో చేసిన సినిమాలు చూసిన వారు ఇప్పుడు ఈ సినిమా గురించి ఎంతో ఆసక్తిగా ఎదురు చూస్తున్నారు.
ఆర్జీవి ఈ ప్రకటన చేయగానే, అభిమానులు ఆయన గతంలో తీసిన సత్య, శివ వంటి సినిమాలను గుర్తు చేసుకుని మళ్లీ ఆ రోజులు రిపీట్ అవుతాయా? అనే చర్చకు తెరలేపారు. కొన్ని సంవత్సరాలుగా తన మార్క్ సినిమాలు అందించలేకపోయిన ఆర్జీవి ఇప్పుడు కొత్త ఉత్సాహంతో ముందుకు రావడం సినీ లవర్స్‌ను ఆకట్టుకుంటోంది. అయితే, అతని గత చర్యలను చూస్తే, ఈసారి కూడా ఇది కేవలం పబ్లిసిటీ స్టంట్ మాత్రమేనేమో అనే అనుమానాలు కూడా వ్యక్తమవుతున్నాయి.
ఆర్జీవి స్కూల్ నుంచి వచ్చిన ఎంతో మంది టాలెంటెడ్ డైరెక్టర్లు తమ ప్రతిభ చూపించి ఇప్పుడేమో సైలెంట్ అయ్యారు. కానీ ఆర్జీవి మాత్రం ఇప్పటికీ తన ప్రత్యేకతను ప్రదర్శించేందుకు ప్రయత్నాలు చేస్తూనే ఉన్నారు. “సిండికేట్” సినిమా కోసం ఆర్జీవి చేసిన తాజా ప్రకటన నిజంగా ఆర్థర్‌గా మారిందా లేదా అనేది అందరూ ఆసక్తిగా చూడాలనుకుంటున్నారు.
ఇప్పటికైతే ఆర్జీవి అభిమానులు ఈ ప్రాజెక్ట్‌పై భారీ అంచనాలు పెట్టుకున్నారు. అతను తన మార్క్ మళ్లీ ప్రూవ్ చేస్తే, తెలుగు సినిమా ఇండస్ట్రీ మాత్రమే కాకుండా నేషనల్ వైడ్‌గా కూడా కొత్త రికార్డులు సెట్ చేసే అవకాశం ఉందని చెబుతున్నారు. ఒకవేళ సిండికేట్ లో బాలీవుడ్ స్టార్స్, టాలీవుడ్ స్టార్స్ కాంబినేషన్ ఉంటే మాత్రం సినిమా మీద హైప్ ఇంకాస్త పెరిగే ఛాన్స్ ఉంది.
ఇన్నేళ్ల తర్వాత ఆర్జీవి తన సీరియస్ సైడ్ చూపించడానికి సిద్ధమై ఉంటే, “సిండికేట్” ఖచ్చితంగా అతనికి మరో మైలురాయిగా నిలుస్తుంది. మరి ఈ సినిమా ఏ రేంజ్‌లో ఉంటుందో, ఇందులో నటీనటుల వివరాలు, సినిమా కాన్సెప్ట్ ఏమిటి అన్నది తెలియాల్సి ఉంది. కానీ ఆర్జీవి నుంచి వచ్చే ఈ మార్పు మాత్రం ప్రేక్షకులకు కొత్త జోష్ ఇస్తుంది.
