నందమూరి అందగాడు బాలయ్య.. కొద్దికాలం సరియైన హిట్టు లేక చాలా ఇబ్బందిని ఎదుర్కున్నాడు. అయితే అఖండ సాధించిన అఖండ విజయంతో సెకండ్ ఇన్నింగ్స్ మొదలుపెట్టిన బాలయ్య కుర్ర హీరోలకు దీటుగా వరుస సినిమాలతో దూసుకుపోతున్నాడు. ఈ సంక్రాంతి స్టార్ తిరిగి మళ్లీ ఈ సంక్రాంతికి డాకు మహారాజ్ చిత్రంతో ప్రేక్షకుల మనసులు దోచుకోవడానికి సిద్ధపడుతున్నాడు.
ఇటు సినీ రంగంలో, అటు రాజకీయంలో, మరో పక్క బుల్లితెరపై.. ఫుల్ స్వింగ్లో ముందుకు సాగుతున్న బాలయ్య ఈసారి సంక్రాంతి సినిమాకి భారీ రేంజ్ లో ప్లానింగ్ చేస్తున్నారు. నిజానికి ఆహా ప్లాట్ఫారం లో వచ్చే అన్ స్టాపబుల్ షో హోస్ట్ గా మారిన తరువాత బాలయ్యను ప్రజలు చూసే దృష్టి చాలావరకు మారింది. మునుపెన్నడూ ఎరుగని విధంగా జోవెల్ గా ఉండే బాలయ్య ప్రేక్షకులకు బాగా కనెక్ట్ అయిపోయాడు. ఆయన ఒరిజినల్ క్యారెక్టర్ ఏంటి అనే విషయం ఆ షో చూసిన వాళ్లకి క్లియర్ గా అర్థమయిపోయింది.
ప్రస్తుతం బాబీ డైరెక్షన్లో తెరకెక్కుతున్న డాకు మహారాజ్ చిత్రంతో సంక్రాంతికి బరిలోకి దిగబోతున్నాడు బాలయ్య. ఇక ఈ సినిమా మీద అంచనాలు ఓ రేంజ్ లో ఉన్నాయి. చిత్రం నుంచి ఇప్పటివరకు విడుదలైన కంటెంట్ ఆసక్తిని రేకెత్తించే విధంగా ఉంది. చిరంజీవిలో ఒకప్పటి ముఠామేస్త్రిని పరిచయం చేస్తూ వాల్తేర్ వీరయ్య లాంటి బ్లాక్బస్టర్ చిత్రాన్ని తెరకెక్కించిన బాబి ఈసారి బాలయ్య ని ఏ యాంగిల్ లో చూపిస్తాడో అన్న ఆసక్తి అందరిలో ఉంది.
సితార ఎంటర్టైన్మెంట్స్ బ్యానర్ పై తరికెక్కుతున్న ఈ చిత్రాన్ని నాగవంశీ నిర్మిస్తున్నారు. ఇక ఏ మూవీ కి సంబంధించిన ఫ్రీ రిలీజ్ ఈవెంట్ ను అమరావతిలో భారీగా ప్లాన్ చేయబోతున్నట్లు టాక్. ఇక బాలయ్య మూవీ ఫ్రీ రిలీజ్ కు ఆంధ్ర రాష్ట్ర ముఖ్యమంత్రి చంద్రబాబు నాయుడు, డిప్యూటీ సీఎం పవన్ కళ్యాణ్ తో పాటు బాలయ్య ఇద్దరు అల్లుళ్ళు కూడా హాజరయ్యే అవకాశం ఉంది. మొత్తానికి విడుదలకు ముందే డాకు మహారాజ్ టాక్ ఆఫ్ ద టౌన్ గా మారుతుంది.
