వాల్తేరు వీరయ్య తర్వాత రెండు సంవత్సరాల పాటు గ్యాప్ తీసుకుని, ఈసారి సంక్రాంతికి నందమూరి బాలకృష్ణతో డాకు మహారాజ్ సినిమా చేశారు బాబీ. ఈ సినిమా మరోసారి బాబీకి డైరెక్టర్‌గా మంచి పేరును తెచ్చింది. దొంతి డైరెక్టర్ బాబీ కొల్లి గురించి చర్చ మొదలైతే, ఆయన తీసిన సినిమాలు, ఆయన టేకింగ్ స్టైల్ గురించి అభిమానులు ప్రత్యేకంగా మాట్లాడుకుంటారు.కథ కాస్త రెగ్యులర్‌గా ఉన్నా, బాబీ టేకింగ్, యాక్షన్ సన్నివేశాల ప్లానింగ్ సినిమాను మరో స్థాయిలో నిలిపాయి. బాలయ్య ఊర మాస్‌ను అద్భుతంగా చూపించి, నందమూరి అభిమానులకు పండగను అందించారు.
ఈ సినిమా చూసిన అభిమానులు బాబీ టేకింగ్ గురించి ప్రత్యేకంగా అభినందిస్తున్నారు. డాకు మహారాజ్ సినిమా తర్వాత బాబీ తదుపరి ప్రాజెక్ట్‌పై సర్వత్రా ఆసక్తి నెలకొంది. ఆయన లైన్‌లో రవితేజ, వెంకటేష్ ఇద్దరూ ఉన్నారని టాలీవుడ్ వర్గాల్లో చర్చ జరుగుతోంది. రవితేజతో పవర్ సినిమాతోనే దర్శకుడిగా మారిన బాబీ, ఆ తర్వాత కూడా వాల్తేరు వీరయ్య వంటి భారీ విజయాన్ని అందించాడు. ఇక వెంకటేష్‌తో వెంకీ మామ సినిమా చేసి మంచి హిట్ అందుకున్న సంగతి తెలిసిందే.
డాకు మహారాజ్ సినిమా తర్వాత బాబీ వెంటనే రవితేజతో సినిమా చేస్తారా లేదా వెంకటేష్‌తో చేయబోతారా అనేది ప్రస్తుతం టాక్ ఆఫ్ టౌన్‌గా మారింది. రవితేజతో అయితే ఇది వారి మూడవ సినిమా అవుతుంది. ఇక వెంకటేష్‌తో అయితే ఇది రెండవ సినిమా. ఇరువురి కథనాలు, మాస్ యాక్షన్‌ను బాబీ తనదైన శైలిలో మలచగలడని గత సినిమాలు రుజువు చేశాయి. అందుకే ఆయన ఎవరితో సినిమా చేసినా మరోసారి బాక్సాఫీస్ దగ్గర దుమ్ము రేపడం ఖాయం అని అభిమానులు విశ్వసిస్తున్నారు.
ప్రస్తుతం వెంకటేష్ సంక్రాంతి రేస్‌లో ఉన్నాడు, రవితేజ కూడా మంచి హిట్ జోష్‌లో ఉన్నాడు. ఒకవేళ బాబీ వెంకటేష్‌తో సినిమా చేసినా, అది మళ్లీ మంచి విజయాన్ని అందించే అవకాశం ఉంది. అలాగే రవితేజతో చేస్తే కూడా మరోసారి మాస్ జాతర జరగడం ఖాయం. బాబీకి కథలు చెప్పడంలో ఉండే స్టైల్, ప్రతి సన్నివేశాన్ని రియలిస్టిక్‌గా తీర్చిదిద్దే టేకింగ్ ఆయనకు ప్రత్యేకతను ఇస్తుంది.
డాకు మహారాజ్‌తో మరింత నమ్మకాన్ని సొంతం చేసుకున్న బాబీ, తన తదుపరి ప్రాజెక్ట్‌తో కూడా మాస్ ఆడియెన్స్‌ను ఆకట్టుకోవడం ఖాయం. తెలుగు సినిమా పరిశ్రమలో అతను మరోసారి క్రేజీ ప్రాజెక్ట్‌ను హ్యాండిల్ చేసి, తన మార్కును చూపిస్తారని నిశ్చయంగా చెప్పొచ్చు. బాబీ ఏ హీరోతో సినిమా చేసినా, ఆ ప్రాజెక్ట్ మీద హైప్ ఉండడం ఖాయం.
