మీనాక్షి చౌదరి ఇప్పుడు టాలీవుడ్ లో హాట్ టాపిక్. లక్కీ భాస్కర్, సంక్రాంతికి వస్తున్నాం సినిమాలతో హిట్ కొట్టి ఒక్కసారిగా టాలీవుడ్ లో వెలుగొందుతున్న ఈ భామ ప్రస్తుతం దర్శక నిర్మాతల దృష్టిని ఆకర్షిస్తోంది. సినిమాటిక్ వరల్డ్ లో ఆమె పేరు మారుమోగిపోతోంది. ప్రస్తుతం మీనాక్షి చేతిలో మూడు నుంచి నాలుగు ప్రాజెక్టులు ఉన్నాయట.
తాజాగా ఓ ఇంటర్వ్యూలో చేసిన వ్యాఖ్యలు సోషల్ మీడియాలో వైరల్ గా మారాయి. “ఆఫర్ల కోసం అలాంటి పని చేయకండి” అని ఆమె చెప్పిన మాటలు నెట్టింట్లో హాట్ టాపిక్ అయ్యాయి. సినిమాల్లో రాణించాలని కలలు కనే ఎంతో మంది యువతులు ఇండస్ట్రీలోకి అడుగుపెడుతుంటారు. అయితే కొందరు అవకాశాలు రాకపోవడంతో వెనుదిరిగి వెళ్తుంటే, మరికొందరు ఇండస్ట్రీలో నిలదొక్కుకోవాలనే ఉద్దేశంతో కొన్ని మార్గాలను ఎంచుకుంటారు. అయితే ఈ విషయంపై మీనాక్షి చౌదరి ఓ స్పష్టమైన సందేశాన్ని అందించింది.
“ఇండస్ట్రీకి వచ్చే కొత్త వ్యక్తులు ఎవరూ ఆఫర్ల కోసం తమ వ్యక్తిత్వాన్ని కోల్పోకూడదు. ప్రస్తుతం ఇండస్ట్రీలో చాలా మార్పులు వచ్చాయి. పాత పరిస్థితులు ఇక లేవు. మీ లక్ష్యంపై నమ్మకంతో ముందుకు సాగితే తప్పక విజయాన్ని సాధించగలరు. లొంగిపోవడం అనే ఆలోచన మీ మనసులోకి కూడా రానివ్వకండి” అని మీనాక్షి తెలిపింది.
అలాగే ఆమె ఇండస్ట్రీలో ఎక్కువ రోజులు కొనసాగాలంటే టాలెంట్ ముఖ్యం అని చెప్పింది. “మీ వ్యక్తిత్వాన్ని త్యజించకుండా, మీ ప్రతిభను నిరూపించుకోవాలి. ఇండస్ట్రీకి కొత్తగా వచ్చిన వారిపై ఎన్నో రకాల అభిప్రాయాలు ఉంటాయి. వాటిని పట్టించుకోవాల్సిన అవసరం లేదు. మనం మన లక్ష్యాన్ని స్పష్టంగా తెలుసుకొని దానికోసం కష్టపడాలి. ఎలాంటి పరిస్థితులైనా మన లక్ష్యం మీద నిలబడాలి” అని చెప్పింది.
మీనాక్షి చౌదరి మాటల్లో మరో ముఖ్యమైన విషయం ఏమిటంటే, హీరోయిన్లు లావుగా ఉంటే అవకాశాలు రావని కొన్ని అపోహలు ఉన్నాయట. అయితే ఈ అపోహలు నిజం కాదని, ఎవరి టాలెంట్ ఉంటే వారిని ప్రేక్షకులు ఎప్పుడూ ఆదరిస్తారని చెప్పింది. బాలీవుడ్ లో ఓ కాలంలో హీరోయిన్లకు కొన్ని కండిషన్లు ఉండేవి కానీ ఇప్పుడు అలాంటివి లేవని, అందరూ సమానంగా అవకాశాలు పొందే పరిస్థితి ఏర్పడిందని వివరించింది.
ప్రస్తుతం మీనాక్షి చెప్పిన మాటలు చాలా మందిని ప్రభావితం చేస్తున్నాయి. ఇండస్ట్రీలో స్థిరంగా నిలవాలంటే టాలెంట్ తో ముందుకు వెళ్లాలని, ఆఫర్ల కోసం లొంగిపోకూడదని, ఎవరి వ్యక్తిత్వాన్ని వారు కాపాడుకోవాలని ఆమె చెప్పిన మాటలు ఎంతో మందికి స్పూర్తినిస్తున్నారు. ఈమె వ్యాఖ్యలు యువ హీరోయిన్లకు స్ఫూర్తిగా నిలుస్తున్నాయి.
