అల్లు అర్జున్ సినీ కెరీర్ ని ఓ మలుపు తిప్పిన చిత్రం పుష్ప. టాలీవుడ్ సినిమా రేంజ్ ని కూడా పెంచిన ఈ మూవీ కంటెంట్ కి ఎంత వైరల్ అయిందో పాటలకు అంతకుమించి పాపులర్ అయింది. ఈరోజుకి కూడా పుష్ప నుంచి వచ్చిన నా సామి, ఊ అంటావా ఊఊ అంటావా పాటలకు ఉన్న క్రేజ్ అంతా ఇంకా కాదు. పుష్ప మూవీ సక్సెస్ లో పాటలు కూడా ప్రధాన పాత్ర పోషించాయి. దీంతో సీక్వెల్ చిత్రంలో వచ్చే సాంగ్స్ పై కూడా మొదటి నుంచి అంచనాలు భారీగానే ఉన్నాయి.
పుష్ప 2 మూవీలో కూడా మొదటి భాగంలో ఉన్నట్టుగానే ఒక అద్భుతమైన స్పెషల్ సాంగ్ ని డిజైన్ చేస్తున్నట్లు చిత్ర బృందం ఎప్పటినుంచో చెబుతూ వచ్చారు.. ఇక ఈ పాటకి శ్రీ లీలా లాంటి హైపర్ ఆక్టివ్ హీరోయిన్ని ఎంచుకున్నారు. ఇక చిత్రానికి సంబంధించిన విడుదల తేదీ దగ్గర పడడంతో ఎప్పటికప్పుడు చిత్ర బృందం బ్యాక్ టు బ్యాక్ ఏదో ఒక అప్డేట్ ని ఇచ్చి మూవీపై హైట్ పెంచుతూనే ఉంది. ఈ నేపథ్యంలో తాజాగా విడుదలైన ‘కిస్సిక్’పాట అందరి అంచనాలని తలకిందులు చేసేలా ఉంది.
సుకుమార్ సినిమాలు అంటే ఐటమ్ సాంగ్స్ వేరే లెవెల్ లో ఉంటాయి అన్న టాక్ ఉంది. కానీ అందుకు భిన్నంగా చాలా పేలవంగా సాగుతున్న ఈ ‘కిస్సిక్’పాట బన్నీ ఫ్యాన్స్ ని తీవ్రంగా నిరాశ పరుస్తోంది. సమంత ‘ఊ అంటావా ఊఊ అంటావా’అంటూ పుష్ప మూవీలో సెగలు పుట్టించింది. తాజాగా విడుదలైన ‘కిస్సిక్’ ను అందరూ సమంత పాటతో పోల్చి తేడాలను ఎత్తిచూపుతున్నారు. సమంత ఇచ్చిన ఎక్సైట్మెంట్ శ్రీ లీల ఇవ్వడం లేదు అని కొందరు డైరెక్టుగానే చెబుతున్నారు.
సాంగ్ లిరిక్స్, కొరియోగ్రఫీ ఏది కూడా ఆశించిన విధంగా లేదు అని బన్నీ అభిమానులు ఆందోళన వ్యక్తం చేస్తున్నారు. పుష్ప చిత్రం విడుదలయ్యే సమయానికి సాంగ్స్ మూవీ పై మంచి హైప్ తీసుకువచ్చాయి. కానీ ఇప్పుడు రాబోతున్న సీక్వెల్ విషయంలో అంచనాలు అనుకున్న రేంజ్ లో మాత్రం లేవు. మరి ఇప్పుడు సుకుమార్, బన్నీ ఏం చేస్తారో చూడాలి.
