తెలుగు సినిమా ప్రతిష్టను దేశవ్యాప్తంగా తెలిపిన పుష్ప సిరీస్ ఇప్పుడు మరో మైలురాయిని అందుకుంది. తాజాగా విడుదలైన పుష్ప 2: ది రూల్ హిందీ మార్కెట్లో భారీ విజయాన్ని సాధించి, తెలుగు సినిమా స్థాయిని మరింత ఎత్తుకు తీసుకెళ్లింది. ప్రత్యేకంగా ముంబై టెర్రిటరీలో ఈ సినిమా రికార్డు స్థాయి వసూళ్లను నమోదు చేసింది. ముంబై మార్కెట్లో ఇప్పటివరకు పుష్ప 2 267 కోట్ల గ్రాస్ వసూళ్లను సాధించి టాప్ ప్లేస్‌లో నిలవడం తెలుగు సినీ పరిశ్రమకు గర్వకారణం. ఈ ఫీట్ సాధించడం ద్వారా తెలుగు సినిమాల ప్రభావాన్ని మరోసారి చాటిచెప్పింది.
ప్రపంచవ్యాప్తంగా ఈ సినిమా 1800 కోట్ల గ్రాస్ మార్క్‌ను దాటడం విశేషం. ముఖ్యంగా ఈ మూవీ హిందీ వెర్షన్‌ 830 కోట్ల రూపాయల గ్రాస్ వసూలు చేయడం ఒక తెలుగు సినిమాకు పెద్ద ఘనత. అల్లుఅర్జున్ నటన, సుకుమార్ దర్శకత్వ ప్రతిభ, దేవిశ్రీ ప్రసాద్ సంగీతం కలిసి ఈ సినిమాను బ్లాక్ బస్టర్‌గా నిలిపాయి. బాహుబలి 2 ముంబై మార్కెట్లో 182.56 కోట్ల వసూళ్లను సాధించగా, పుష్ప 2 దానిని అధిగమించి మైలురాయిని అందుకుంది. హిందీ మార్కెట్లో గదర్ 2, జవాన్, పఠాన్ వంటి చిత్రాలను కూడా వెనక్కు నెట్టి, పుష్ప 2 టాప్ ప్లేస్‌లో నిలవడం విశేషం.
తెలుగు సినిమా గర్వించదగ్గ స్థాయిలో ఈ సినిమా నిలబడటం నిజంగా అసాధారణం. మొదటి భాగమైన పుష్ప 1 ఇచ్చిన విజయోత్సాహంతో మేకర్స్ రెండో భాగాన్ని మరింత గ్రాండ్‌గా విడుదల చేశారు. ఈ ప్రొమోషన్స్, అల్లుఅర్జున్ క్రేజ్ ఈ సినిమా విజయానికి ప్రధాన కారణాలు. మరీ ముఖ్యంగా ముంబై మార్కెట్లో తెలుగు సినిమా స్థాయిని పెంచడం విశేషం. ముంబై టెర్రిటరీలో టాప్ 10 వసూళ్లు సాధించిన చిత్రాల లిస్ట్‌లో పుష్ప 2 మొదటి స్థానంలో నిలిచింది. తర్వాతి స్థానంలో బాహుబలి 2, 182.56 కోట్లతో ఉంది. ఇక స్త్రీ 2, కేజీఎఫ్ 2, గదర్ 2, తానాజీ, జవాన్, యానిమల్, పఠాన్, దంగల్ వంటి చిత్రాలు ఈ లిస్ట్‌లో ఉన్నాయి.
తెలుగు సినిమాలకు పాన్ ఇండియా స్థాయి ఇవ్వడంలో పుష్ప 2 కీలక పాత్ర పోషించింది. అల్లు అర్జున్ నటనతో పాటు సుకుమార్ తీసిన దర్శకనైపుణ్యం, ప్రేక్షకులకు కొత్తగా అనిపించిన స్క్రీన్‌ప్లే ఈ సినిమాను అన్ని మార్కెట్‌లలో హిట్‌గా నిలబెట్టాయి. ఒక తెలుగు సినిమా హిందీ మార్కెట్లో ఈ స్థాయి రికార్డులను సృష్టించడం ఒక మైలురాయిగా చెప్పవచ్చు. పుష్ప 2 సాధించిన ఈ విజయం తెలుగు చిత్ర పరిశ్రమకు మరింత ప్రోత్సాహాన్ని అందించడమే కాకుండా, భవిష్యత్తులో ఇంకా పెద్ద విజయాలను అందుకోవడానికి మార్గాన్ని సుగమం చేస్తోంది.
