రవితేజ ప్రధాన పాత్రలో తెరకెక్కిన ‘ఇరుముడి’ చిత్రం ఈ రోజు ఘనంగా విడుదల అయింది. చాలా కాలంగా సరైన విజయ౦ కోసం ఎదురుచూస్తున్న రవితేజకు ఈ చిత్రం మంచి ఫలితాన్ని అందించే అవకాశాలు ఉన్నాయి. శివ నిర్వాణ దర్శకత్వంలో రూపొందిన ఈ సినిమాలో యాక్షన్ అంశాలతో పాటు కుటుంబ అనుబంధాలు, భావోద్వేగాలకు ప్రాధాన్యం ఇచ్చారు. ముఖ్యంగా తండ్రి, కుమార్తె మధ్య సాగే అనుబంధం కథకు ప్రధాన ఆకర్షణగా నిలిచింది.
రవితేజ ఇప్పటివరకు చేసిన మాస్ పాత్రలకు భిన్నంగా ఇందులో మరింత భావోద్వేగంతో కూడిన పాత్రలో కనిపించారు. కుమార్తె కోసం తండ్రి తీసుకునే నిర్ణయాలు, ఆ క్రమంలో ఎదురయ్యే సమస్యలు కథను ముందుకు నడిపిస్తాయి. ఈ పాత్రలో రవితేజ తన అనుభవాన్ని చక్కగా ఉపయోగించుకున్నారు. చిన్నారి నక్షత్ర కూడా తన నటనతో ఆకట్టుకుంది.
సినిమా ప్రారంభ భాగం కొంత నెమ్మదిగా సాగినప్పటికీ, కథకు అవసరమైన నేపథ్యాన్ని దర్శకుడు ఏర్పాటు చేశారు. పాత్రల పరిచయం, కుటుంబ పరిస్థితులను వివరించే సన్నివేశాల తర్వాత కథ వేగం పుంజుకుంటుంది. ముఖ్యంగా ఇంటర్వెల్కు ముందు వచ్చే మలుపు ప్రేక్షకుల్లో ఆసక్తిని పెంచుతుంది. ద్వితీయార్థంలో భావోద్వేగాలు, ఉత్కంఠ, కీలక మలుపులు కలిసి సినిమాను ముందుకు తీసుకెళ్లి0ది.
క్లైమాక్స్ కూడా సినిమాకు ప్రధాన బలంగా నిలిచింది. కుటుంబ సంబంధాలు, పిల్లల భద్రత, తల్లిదండ్రుల బాధ్యత వంటి అంశాలను కథలో మిళితం చేయడం వల్ల సినిమాకు భావోద్వేగ విలువ పెరిగిందని చెప్పొచ్చు. కేవలం వినోదానికే పరిమితం కాకుండా ఒక సామాజిక కోణాన్ని కూడా దర్శకుడు కథలో చూపించే ప్రయత్నం చేశారు.
ప్రియ భవాని శంకర్ తన పాత్ర పరిధిలో ఆకట్టుకున్నారు. సంగీతం, నేపథ్య సంగీతం కూడా కథకు అనుగుణంగా ఉన్నాయి. కొన్ని పాటలు, ముఖ్యమైన సన్నివేశాలకు నేపథ్య సంగీతం మంచి ప్రభావాన్ని చూపించింది.
అయితే ‘ఇరుముడి’కి కొన్ని ప్రతికూల అంశాలు కూడా లేకపోలేదు. కొన్ని సన్నివేశాలు ఊహించినంత వేగంగా సాగకపోవడం, కథనంలో అక్కడక్కడా లోపాలు కనిపింఛాయి. అయినప్పటికీ ఈ అంశాలను అధిగమించే స్థాయిలో భావోద్వేగ సన్నివేశాలు, ప్రధాన నటీనటుల ప్రదర్శన సినిమాకు బలంగా నిలిచిoది.
మొత్తంగా చూస్తే ‘ఇరుముడి’ రవితేజను మరోసారి విజయపథంలోకి తీసుకెళ్లే అవకాశాలు ఉన్న చిత్రంగా కనిపిస్తోంది. తొలి రోజు ప్రేక్షకుల స్పందన సానుకూలంగా ఉండటం చిత్ర బృందానికి ఆశాజనక పరిణామం. అయితే ఈ స్పందన వసూళ్లుగా ఎంతవరకు మారుతుందో రాబోయే రోజుల్లోనే స్పష్టమవుతుంది.
రేటింగ్: 3.25 / 5